माजलगांव (जि.बीड) : येथील नगराध्यक्ष सहाल चाउस हे २०१६ मध्ये थेट जनतेतुन निवडून आले होते.  मागील तीन महिन्यांपासुन म्हणजेच १७ मार्च पासून भ्रष्टाचार प्रकरणी न्यायालयीन कोठडीत असल्यामुळे नगर परिषदा नगर पंचायत अधिनियम १९६५ चे कलम ५६;३ नुसार सदर पद रिक्त करण्याबाबत तसेच पदभार हस्तांतरीत न केल्याबाबत दाखल अर्जावर जिल्हाधिकारी राहुल रेखावार यांनी माजलगांवचे नगराध्यक्ष पद रिक्त केले आहे. असे आदेश दिले आहेत  त्यामुळे नगर परिषदेचे अध्यक्ष पद हे रिक्त झाले आहे.

पालकमंत्र्यांपासून अल्पभूधारक शेतकरी ठेवले चार हात दूर, कृषी विभागावर शेतकरी संतापले  

मागील चार महिन्यांपासुन माजलगांव नगर परिषद ही आर्थिक गैरव्यवहार प्रकरणी राज्यभर चांगलीच गाजली, असुन या प्रकरणात येथील अध्यक्ष सहाल चाउस यांना जबाबदार धरुन त्यांना न्यायालयीन कोठडी सुनावण्यात आलेली आहे. मार्च २०२० पासुन सहाल चाउस हे न्यायालयीन कोठडीत आहेत. तेंव्हा पासुन अध्यक्ष पदाचा पदभार हा कोणालाही देण्यात आलेला नाही.

सावंगीत कब्रस्तानाच्या कडेला आढळली शिवपिंड; गावकऱ्यांनी हा घेतला निर्णय..!  

त्यामुळे मागील तीन महिन्यांच्या लॉकडाऊनच्या तसेच इतर कार्यालयीन कामांवर मोठा प्रभाव पडत होता जनता त्रस्त झालेली होते. २७ मे रोजी अध्यक्ष सहाल चाउस यांच्यावर अविश्वास ठरावच्या अस्त्राचा देखील वापर झाला. परंतु न्यायालयाच्या आदेशाने हे अस्त्र निष्प्रभ झाले परंतु प्रकरणाने पुन्हा कलाटणी घेतली व नगर परिषदा नगर पंचायत अधिनियम १९६५ चे कलम ५६;३  नुसार सतत तीन महिने परवानगी न घेता गैरहजर असल्याचे दाखवून कार्यवाही प्रस्तावित करण्यात येवून त्यात अध्यक्ष पदाचा पदभार देण्या बाबतची मागणी करण्यात आली हेाती.

घरातल्या घरात तपासणीकडे वाढला कल, आरोग्याबाबत लातूरकर जागरूक   

त्यावर सुनावणी होवून जिल्हाधिकारी राहुल रेखावार यांनी माजलगांवचे नगराध्यक्ष पद हे रिक्त करीत असल्याबाबत त्यांचे पत्र जा. क्र. २०२०/जिबी/डेस्क.१/एमयुएन/कावि. ता, २८ जुन २०२० अन्वये घोषित केले. पदभार  देण्यासंदर्भात प्रधान सचिव यांचे मार्गदर्शन मागविले आहे.

औरंगाबादच्या ‘घाटी’ रुग्णालयात प्लाझ्मा थेरपीसाठी हालचाली  

दरम्यान माजलगांव नगर परिषदेचे अध्यक्षपद हे रिक्त झाल्यामुळे आता अध्यक्षपदाचा पदभार कोणाकडे जातो की त्यातही रस्सीखेच आहे. उपाध्यक्ष, नगरसेवक, वरिष्ठ कर्मचारी हे त्यावेळी जबाबदारीच्या कक्षेत होते त्यामुळे त्यांच्यावरील जबाबदारी निश्चिती संदर्भात मागणी होवुन नगर परिषद बरखास्तीची देखील मागणी आ. प्रकाश सोळंके यांनी केलेली आहे.